García Patiño investirá dous millóns de euros para saneamento na vindeira lexislatura

García Patiño investirá dous millóns de euros para saneamento na vindeira lexislatura

O alcalde e candidato de UxC á alcaldía, Óscar García Patiño, investirá dous millóns de euros para saneamento na vindeira lexislatura se os veciños renovan a confianza en Unión por Cambre. O candidato de UxC explica que o saneamento é un servizo básico que ten que ser universal para todos os veciños e veciñas de Cambre por iso, vai destinar dous millóns de euros para ampliar o servizo a varios puntos do municipio ao longo dos vindeiros catro anos.

Un servizo básico que chegará a moitos cambreses grazas a este importante investimento que o que pretende é garantir uns servizos básicos de calidade para a veciñanza. Precisamente, en materia de saneamento, Unión por Cambre vai a impulsar a construción de depuradoras ecolóxicas nos lugares de maior dificultade para acceder á rede xeral de saneamento. Deste xeito, ademais de facilitar que o servizo de saneamento chegue a zonas nas que agora é difícil, faise unha aposta importante polo medioambiente.

Ademais do impulso que se vai dar ao saneamento, Unión por Cambre vai seguir traballando por servizos eficientes e que atendan as necesidades reais dos veciños e veciñas. Para eso, o partido que encabeza García Patiño vai municipalizar o servizo de abastecemento de auga e o de parques e xardíns co obxectivo de mellorar o servizo e facer unha xestión máis eficiente destes dous servizos básicos para os cambreses.